Prokurori Besim Hajdarmataj ka paditur në gjykatën Administrative kryeprokuroren e përgjithshme Arta Markun, pas vendimit për transferimin e tij në Pogradec, pas ngërçit me dosjen “Shullazi”. Në padinë e tij, prokurori kërkon shfuqizimin e vendimit për transferimin e tij, pasi nuk ka bazë ligjore dhe se është marrë në kundërshtim me ligjin.
Një muaj më parë, kryeprokurorja u padit edhe nga prokurorja Sonila Muhametaj për transferimin që iu bë në rrethe.
Paditë do të shqyrtohen nga gjyqtari Avni Sejdi.
Deri më tani, ndaj Arta Markut janë ngritur 4 padi, ku më herët ishte çifti i prokurorëve Rovena Gashi dhe Dritan Gina që e paditën se u shkarkuan nga detyra në kundërshtim me ligjin.
