Një ngjarje e rëndë është shënuar pasditen e sotme në Kosovë, ku një burrë ka qëlluar për vdekje gruan shtatëzënë në oborrin e martenitetit.
KosovaPress bën me dije se ngjarja ka ndodhur rreth orës 18:00 të kësaj të mërkure, ku burri ka nxjerrë armën dhe ka qëlluar mbi bashkëshorten dhe më pas u largua nga vendngjarja.
Kjo e fundit, humbi jetën në vend sëbashku me foshnjën.
Rastin e ka konfirmuar edhe Policia e Kosovës, ku kanë thënë viktima dyshohet të jetë e moshës 35-vjeçare.
“Mbështetur në informacionet e para, dyshimet e ngritura sugjerojnë se bëhet fjalë për vrasje”, tha zëdhënësja e policisë së Kosovës.
Më tej theksoi se Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes.
