Një ngjarje e rëndë ka ndodhur sot në mëngjes, në spitalin e Gramshit, ku një pacient 65-vjeçar është hedhur nga kati i katërt i dhomës ku ishte shtruar.
Hekuran Llapushi ka hipur në dritare dhe më pas ka rënë në tarracën e katit të dytë, duke marrë plage të shumta në trup.
Menjëherë ai u nis drejt spitalit të Traumës në Tiranë, ku po merr ndihmën e nevojshme.
65-vjeçari ishte i shtruar në repartin e patologjisë, që prej katër ditësh dhe dyshohet se gjendja e tij psikologjike ditët e fundit ka qenë e rënduar.
