E rëndë/ Gjendet i vdekur i riu shqiptar në Itali

Një ngjarje e rëndë me pasojë vdekjen e një shqiptari ka ndodhur në Itali.

Një i ri shqiptar u gjet pa shenja jete në një qendër emigrantësh në Gradisca d’Isonzo (Gorizia).

Lajmi bëhet i ditur nga Ansa.it, e cila shkruan se bëhet fjalë për një 28-vjeçar, identiteti i të cilit ende nuk dihet.

Mësohet se shqiptari qëndronte në dhomë bashkë me një maroken.

Shtetasi maroken u gjet në gjendje të rëndë shëndetësore, por jashtë rrezikut për jetën.

Nuk dihen ende shkaqet e kësaj ngjarjeje, ndersa autoritetet vendase kanë nisur hetimet.

I riu 28-vjeçar ndodhej i karantinuar në qendrën e emigrantëve, për shkak të koronavirusit./Vizion Plus/