Sali Berisha zbuloi sot aksionin e tij kundër kryetarit të Partisë Demokratike, Lulzim Basha.
Nga takimet që do të realizojë me strukturat e PD-së në të gjithë vendin, ish-kryeministri tha se do të kërkojë që të mblidhen 1500 firmat e nevojshme të delegatëve për të mbledhur Kuvendin Kombëtar. Përmes kësaj, ai kërkon që vendimi i përjashtimit nga grupi parlamentar i PD-së, të vendoset nga forumet.
“Do mblidhen firmat e 1500 delegateve të Kuvendit, pas mbledhjes së firmave do thërrasim Kuvendin Kombëtar. Ne çdo gjë do e zgjidhim në mënyrën më demokratike, do t’i kërkojmë Kuvendit që për vendimin që mori të shprehet çdo anëtar i PD me referendum në mbarë Shqipërinë, kjo është, nuk ka diskutim, që çfarë më thoshte një demokrat. “Doktor që kur ka ardhur ky njeri, kalon nga plaga në plagë” dhe në këtë rast t’u themi demokratëve se me këtë nuk ka fitore, do e nisja këtë lëvizje. Ai u votua, por unë do thoja këto, humbësi në fitore nuk të çon, habi derën tjetrit, të mos bëhet më ky gabim, është gabim, dhashë dorëheqjen, isha i sigurt që ju çoja fitoren, dhe në një kohë që nuk kisha asnjë probleme, besova se tjetri do ju çonte në dorëheqje”, tha Berisha.
I pyetur nga demokratët e pranishëm nëse do të kthehet sërish në krye të PD, Berisha u përgjigj: “Kushdo që do të udhëheqë PD do e caktojnë demokratët dhe demokratet me vullnetin e tij të lire.”
