Larja e duarve është një proces që secili nga ne duhet ta bëjë herë pas here pasi ka të bëjë me higjenën dhe me shëndetin e të gjithëve.
Pasi të futemi në shtëpi larja e duarve është procesi i parë që duhet të bëjmë për të mbrojtur shëndetin.
Mjafton të mendojmë me sa objekte apo njerëz kemi qenë në kontakt gjatë ditës, për të imagjinuar sasinë e baktereve që ndodhen në duart tona.
Bakteret janë të pranishme në çdo sipërfaqe të mundshme, duke filluar nga çantat, lodrat, celulari, peshqirët etj, transmeton lajmi.net.
Është e rëndësishme që të lani duart mirë pas çdo here që prekni objekte të pista, të lagura apo të vajisura.
Mos i lani kurrë duart vetëm me ujë.
Është shumë e rëndësishme të përdorni një detergjent, në mënyrë që të largoni bakteret nga lëkura.
Lani çdo cep të duarve dhe mos harroni pjesët ndërmjet gishtave.
Fërkoni pëllëmbët dhe pjesën e sipërme të dorës, më pas kalojeni sapunin edhe në mes gishtave dhe fërkojeni mirë këtë pjesë.
Këshillohet gjithmonë larja e duarve me ujë të vakët.
Uji nuk duhet të jetë as shumë i ftohtë, as shumë i ngrohtë, me qëllim që ta ruajmë lëkurën nga plasaritja.