Kryeministri i Shqipërisë Edi Rama ka zhvilluar një bisedë telefonike me ish-Presidentin e Kosovës, Hashim Thaçin, duke i uruar 18 vjetorin e Pavarësisë së shtetit të Kosovës.
Në videon e publikuar në Facebook, dëgjohet teksa Rama i uron Pavarësinë e Kosovës, Hashim Thaçit, ndërsa ky i fundit ndodhet në Hagë aty ku prej 5 vitesh mbahet i burgosur.
Postimi i Ramës:
🇦🇱Prej vitesh telefonata e urimit të 17 shkurtit nga Haga është e vështirë emocionalisht, por sot Komandanti ishte si asnjëherë i qetë në zërin e tij, duke ma përsëritur dy herë, në fillim e në fund, “Unë e kam fituar përjetë lirinë dhe kudo të ndodhem atë nuk ma merr dot kurrë askush!”🇽🇰
Në bisedë Rama i shpreh keqardhje Thaçit që nuk mund të bëjë më shumë për 4 ish-krerët e UÇK të cilët ndodhen në paraburgim, ku akuzohen për krime lufte, edhe pse në mbrojtje të tyre kanë dalë politikanët nga mbarë Shqipëria, Europa dhe SHBA, të cilët faktojnë të kundërtën.
