Vendi ynë do të vijojë të jetë nën ndikimin e masave ajrore relativisht të qëndrueshme dhe të nxehta gjatë ditës së hënë, duke sjellë temperatura të larta në pjesën më të madhe të territorit.
Dita do të nisë me mot të kthjellët, ndërsa në mesditë dhe pasdite do të shfaqen vranësira të pakta deri mesatare, kryesisht në zonat malore në jug të vendit.
Në juglindje, vranësirat do të dendësohen herë pas here, por do të jenë kalimtare. Në orët e pasdites moti pritet të kthjellohet në të gjithë territorin.
Reshje të lokalizuara shiu me intensitet të ulët parashikohen në jug gjatë mesditës dhe pasdites. Në zonat malore nuk përjashtohen shtrëngata të shkurtra dhe të izoluara.
Temperaturat do të mbeten të larta, me vlerat maksimale që pritet të arrijnë deri në 40°C në Elbasan, Berat dhe Gjirokastër.
Era do të fryjë nga veriperëndimi-verilindja me shpejtësi mesatare rreth 7 m/s, ndërsa herë pas here përgjatë bregdetit dhe në zonat luginore mund të arrijë deri në 14 m/s.
