Presidenti i Republikës, Bajram Begaj ka dekretuar ditën e sotme propozimin e kryeminsitrit Edi Rama, për dekretimin e shkarkimit dhe emërimit në detyrë të disa ministrave.
Kujtojmë që kryeministri Edi Rama i bëri publike ndryshimet në qeveri ditën e diel, në përfundim të Kongresit të Partisë Socialiste.
Lexo edhe :
Njoftimi:
Presidenti i Republikës së Shqipërisë, Sh. T. Z. Bajram Begaj, në zbatim të kompetencave të tij kushtetuese, mori në shqyrtim propozimin e Kryeministrit të Republikës së Shqipërisë, Sh. T. Z. Edi Rama, të datës 28 korrik 2024, për shkarkimin dhe emërimin e disa ministrave.
Në përfundim të procedurës së shqyrtimit, Presidenti i Republikës, Sh. T. Z. Bajram Begaj, dekretoi sot, më 30 korrik 2024:
Shkarkimin e Ministrit të Brendshëm, z. Taulant Balla;
Shkarkimin e Ministrit të Mbrojtjes, z. Niko Peleshi;
Shkarkimin e Ministrit të Financave, z. Ervin Mete;
Shkarkimin e Ministrit të Shtetit për Marrëdhëniet me Parlamentin, znj. Elisa Spiropali;
Emërimin e Ministrit të Brendshëm, z. Ervin Hoxha;
Emërimin e Ministrit të Mbrojtjes, z. Pirro Vëngu;
Emërimin e Ministrit të Financave, z. Petrit Malaj;
Emërimin e Ministrit të Shtetit për Marrëdhëniet me Parlamentin, z. Taulant Balla.
Gjithashtu Rama gjatë Kongresit të PS njoftoi edhe emërimin e Elisa Spiropalit si Kryetare e Kuvendit në vend të Lindita Nikollës së dorëhequr.
Ndërsa në krye të grupit parlanemtar të PS emëroi Niko Peleshin, në vend të Bledi Çuçit i cili u emërua nëkryetar i Kuvendit.
/Vizionplus.tv/
