Ka rënë në pranga kryetari i dhomës së avokatisë se Korçës Arben Lena.
Burime për Vizion Plus bëjnë me dije se arrestimi i avokatit ka ardhur për shkak të një çështje mbrojtur prej tij, ku në përgjimet telefonike të SPAK, Lena i ka kërkuar ish asistentes së tij të mbante në zyrë një zarf me 5 mijë euro.
Kjo është shuma për të cilën avokati akuzohet nga SPAK për korrupsion pasiv.
Arrestimi i tij vjen pas një hetimi disa mujor nga SPAK për një aferë në gykatën e Korçës për një masë sigurie ndaj dy të arrestuarve. Lëvizja e parë u bë nga SPAK në dhjetor 2023.
VizionPlus.tv do të ndjekë me detaje ngjarjen, për të sjellë më shumë informacione në vijim.
Njoftim i SPAK në fund të vitit të shkuar:
Prokuroria e Posaçme kundër Korrupsionit dhe Krimit të Organizuar Tiranë, ka kryer hetime në kuadër të procedimit penal nr. 07 të vitit 2023, për veprat penale “Ushtrim i ndikimit të paligjshëm ndaj personave që ushtrojnë funksione publike”, dhe “Moskallëzimi i Krimit”, parashikuar nga nenet 245/1, pika 2 dhe 4 e 300 të Kodit Penal.
Nga hetimet e kryera deri në këtë fazë të hetimit është krijuar dyshimi i arsyeshëm se shtetasit D. K., N. H., N. J., B. K. dhe A. K., në bashkëpunim me njëri-tjetrin kanë konsumuar elementët e veprave penale të “Ushtrimi i ndikimit të paligjshëm ndaj personave që ushtrojnë funksione publike” në formën e kërkimit të përfitimit të parregullt të një shume prej 5000 (pesë mijë) eurosh me qëllim ushtrimin e ndikimit në Gjykatën e Apelit Korçë për zbutjen e masës së sigurimit të shtetasit B. K., i cili hetohej per veprën penale te parashikuar nga neni 298 i K. Penal. Shtetasi D.T., dyshohet se ka kryer veprën penale të “Moskallëzimi i krimit”, parashikuar nga neni 300 i K. Penal.
/vizionplus.tv
