Tjetër ditë tragjike në Francë si pasojë e Covid 19.
Autoritetet shtetërore të këtij vendi konfirmuan se në 24 orët e fundit në të gjithë vendin kanë humbur jetën 1341 persona, ku shumica e viktimave jane raportuar ne azilet e te moshuarve.
Bilanc vërtet shumë I rëndë, që në fakt pak a shumë kështu ka qënë që nga fillimi I prillit e deri tani.
Numri I viktimave tashmë në Francë në total ka shkuar në 12 mijë e 210.
Edhe të infektuarit e rinj vijojnë të rriten ndjeshëm.
Rreth 5 mijë raste të reja ka pasur këtë të enjte duke e cuar totalin e të prekurve në 118 mijë.
Shqetësim I madh edhe nga spitalet, aty ku raportohen rreth 7 mijë persona në gjëndje kritike.
Për shkak të kësaj situate të rëndë, presidenti Macron pritet të zgjasë për herë të trete radhazi kufizimet dhe masat shtrenguese në të gjithë vendin.
