Duke folur për përçarjen brenda Partisë Demokratike, Bamir Topi shprehet se Berisha dhe Basha sot ndodhen në mbijetesë politike.
Në një intervistë për “Spotlight”, ai vlerëson që PD duhet të riformatohet dhe të thërrasë të gjitha kapacitetet e veta në formacion, përndryshe do të shuhet, dhe Rama do të sigurojë jetëgjatësinë në pushtet.
“Pjesa më e madhe qëndron jashtë PD-së, ata që e konsiderojnë veten të djathtë, janë të demoralizuar, të dëshpëruar. Pavarësisht problemeve që kanë pasur, ata janë racionalë. E kupton që kjo dyshe po kacafytet. Basha dhe Berisha janë për mbijetesë politike. E ardhmja e së djathtës nuk janë këta të dy. Mund të jetë e rëndë për demokratët, por nuk ka zgjidhje tjetër. I gjithë fronti i djathtë duhet të shkojë drejt shuarjes. E djathta ka nevojë t’i thërrasë të gjithë kapacitetet e veta në formacion, përndryshe historia do të jetë shumë e dhimbshme. Në rast se ndodh që këta të dy do të vazhdojnë betejën ne do të kemi një rekord të ri në jetëgjatësinë e një lideri politik në Shqipëri, që do t’ia kalojë Enver Hoxhës, Ramiz Alisë, dhe ky do të jetë Edi Rama.”
