E diela ka qene tepër e ngjeshur ne platformën Tring me transmetimin e disa ndeshjeve interesante ne disa kampionate evropiane. Ne Zvicër, në takimin e javës së 22, Basel është ndalur 1 me 1 ne transferte nga skuadra e Tun. Tek kampionet e Zvicrës nuk luajti Taulant Xhaka qe është i pezulluar si dhe Naser Aliji qe nuk u preferua nga trajneri. Sa i takon kronikes së ndeshjes ishin vendasit e Thun që kaluan në avantazh që në minutën e 5 me Ridgi Munsy, ndërsa për Basel golin e barazimit do ta shënonte Renato Stefen në minutën e 42. Barazimi megjithatë e mban Baselin 15 pikë larg vendit të dytë Grashopers, e cila u ndal në barazim 1 me 1 në fushën e Vaduz. Heroi për skuadrën vendase në marrjen e kësaj pikë ka qenë sulmuesi i kombëtares shqiptare Armando Sadiku, i cili shënoi golin e barazimit në minutën e 52.
Ne Belgjike në javën e 28 te kampionatit surpriza ka ardhur nga Genk që mposhti 3 me 2 në shtëpi kandidatet për titullin kampion Club Bryzh. Ndeshje spektakolare mes këtyre dy ekipe me një përmbysje të bukur të ekipit vendas, pas avantazhit të miqve me anë të Meunier që në minutën e 15. Për Genk barazoi në pjesën e parë Karelis me penallti dhe me pas në të dytën shënuan Bufel dhe Samata. Në fund goli i dytë i Bryzh me anë të Vanaken nuk shërbeu për asgjë. Ndalesa e Bryzh gëzon kampionet e Gent që janë ne kuotë të barabarte pikësh 28 me këtë rival në garën për titullin. Duel me arome titulli edhe në javën e 24 të bundesliges austriake Salsburg vs Austruia e Vjenës e transmetuar në Tring. Skuadra vendase fitoi pas një ndeshje shumë të bukur me rezultatin e thelle 4 me 1, duke u barazuar ne vendin e parë me 46 pikë skuadrone Rapid Vien, ndërsa Austria e Vjenës tani është 7 pikë larg kreut. Në pjesën e parë për Salsburg shënuan dy herë Keita dhe më pas Soriano ndërsa kishte barazuar përkohësisht Kajode. Në të dytën vendasit shënuan edhe golin e 4 me Minaminon.
