Prej më shumë se dy muajsh futbollisti Kristiano Ronaldo dhe partnerja e tij Zhorzhina Rodriges mirëpritën në jetë vajzën e tyre Esmeralda.
Më 18 prill të këtij viti, Ronaldo zbuloi se partnerja e tij kishte sjellë në jetë një vajzë të shëndetshme. Por kjo erdhi së bashku me lajmin tronditës se vëllai i saj binjak i porsalindur ndërroi jetë.
Rodriges ka ndarë së fundmi në Instastory një foto të portetit të vajzës së saj Esmeralda, teksa vogëlushja po fle.
Rodriges është nënë e dy prej pesë fëmijëve të Ronaldos.
Futbollisti i njohur, Kristiano Ronaldo njoftoi me datë 18 prill se një nga binjakët e tij të porsalindur ndërroi jetë. Lajmi është dhënë me anë të një postimi në rrjetet sociale, ku tha se lindja binjakes tjetër i jep forcë për të kaluar këtë moment të vështirë.
“Me pikëllimin tonë më të thellë duhet të njoftojmë se djali ynë ka ndërruar jetë. Është dhimbja më e madhe që mund të ndiejë çdo prind. Vetëm lindja e vajzës sonë na jep forcën për ta jetuar këtë moment me pak shpresë dhe lumturi. Dëshirojmë të falënderojmë mjekët dhe infermierët për kujdesin dhe mbështetjen e tyre të ekspertëve. Jemi të gjithë të shkatërruar nga kjo humbje dhe me mirësi kërkojmë privatësi në këtë kohë shumë të vështirë. Djali ynë, ti je engjëlli ynë. Ne do të të duam gjithmonë”– u shpreh futbollisti.
