Diva e muzikës shqiptare Aurela Gace, këtë të hënë ka pas festë në shtëpinë e saj. Këngëtarja më e dashur për shqiptarët, plot energji ka festuar ditëlindjen e vajzës së saj të madhe Grace.
Përmes një postimi në rrjetin social Instagram, Aurela ka bërë një postim plot emocione për të bijën.
“Si sot, 7 vjet me pare të mbajta në duar për herë të parë, dëgjova të qarën tënde si melodinë më të bukur që veshët ndonjëherë kishin degjuar….pak orë mbas lindjes tënde ,në shtrat e lodhur me zinte paksa gjumi dhe më vërtik hapja sytë të shikoja se më dukej e pabesueshme që ti ishe aty vërtetë . Nuk mund ta përshkruaj sakte ndjesinë, por di që jeta ime mori tjetër kuptim qysh kur mësova se ti po rriteshe brenda meje. Uroj që të jem prane teje ashtu siç fëmija meriton të ketë prindin pranë, në të mirë e në të keq…uroj shumë që të jem aty për të gjitha ditëlindjet e tua , të të shoh të rritesh e të më kesh krahun tend, kraharorin ku do gjesh gjithçka . Edhe sot kur të mbeshtes në kraharor, kam të njëjtën ndjesi që pata kur të mora në duar për herë të parë . Mami, babi e motra jote e vogel, gjyshet e gjyshi e gjithe familja të duam shumë. U rritsh e u bëfsh c’të deshiron vetëm zemra jote. Grace , hiri i Perëndise, emri yt ka kuptimin më të bukur, sepse je dhurata më e bukur”
