Belgjika shokoi Brazilin duke e eleminuar nga Kupa e Botës.
Djajtë e Kuq të Europës mposhtën 2 me 1 Seleçaon dhe fluturuan për në gjysmëfinalen e Kupës së Botës.
Supër ndeshje e Begjikës, e cila ja doli të çojë në shtëpi skuadrën më favorite për fitoren finale të këtij turneu.
Skuadra e Martines e mbështetur tek talentet e vet ishte tepër efikase në pjesën e parë të cilën e mbylli 2 me 0 falë një autogoli të Fernandinjos dhe një goli të shkelqyer të Kevin Debronje.
Nga ana tjetër Brazili megjithese krijoi shume raste per shenim nuk arriti dot të finalizoje. Në pjesën e dytë 5 herë kampionet e botës shtuan presionin, por shpërdoruan shumë.
Sidoqoftë ndeshja u rihap pas një goli të bukur me kokë të zevendesuesit Renato Agusto.
Skuadra e Titetes pati gati 20 minuta në dispozicion për ta çuar ndeshjen ne shtesë, por gaboi fatalisht disa raste të shkëlqyera për gol me anë të Neymar, Kutinjo dhe Renato Augusto.
Nga tani e tutje mund të thuhet se ky është Botërori i europianeve, pasi është konfirmuar çifti gjysmëfinalist Francë-Belgjikë, e është e sigurt që edhe çifti tjetër do të jetë mes ekipeve europiane, pasi do të luhet Rusi-Kroaci dhe Suedi-Angli.
