Hailey Bieber ka vendosur të thyejë heshtjen dhe të flasë për thashethemet se hyri në mes të çiftit Justin Bieber dhe Selena Gomez.

 

Intervista e saj në podcastin “Call Her Daddy” do të transmetohet ditën e sotme, ndërsa paraprakisht është publikuar një video e shkurtër.

 

“A keni qenë ndonjëherë me Justin në lidhje romantike në të njëjtën kohë me Gomez?”, është pyetja që moderatorja i ka drejtuar Haileyt.

 

Kjo e fundit i ka cilësuar këto aludime si çmenduri.

 

“Kjo është çmenduri. Unë fjalë për fjalë nuk kam folur kurrë për këtë. Shumë nga përjetësimi dhe urrejtja vjen nga ‘Oh, ti e vodhe atë. Ka të bëjë me njerëzit që e dinë të vërtetën. Sepse ka një të vërtetë“, përgjigjet Hailey.

 

Kujtojmë se 25-vjeçarja nuk ka diskutuar asnjëherë publikisht për këtë çështje, por ka treguar se ka kaluar një kohë të vështirë për shkak të komenteve të fansave të Selenës.

Leave a Reply

Your email address will not be published. Required fields are marked *