Aktori Hollivudian Johnny Depp ka paditur ish-gruan Amber Heard për shpifje duke i kërkuar kësaj të fundit një dëmshpërblim prej 50 milion dollarësh.
Ylli i Hollivudit pretendon se Amber ka shpifur në lidhje me abuzimet fizike dhe psikologjike kundrejt saj.
“Zonja Heard nuk është viktimë e dhunës në familje. Ndërsa Johnny Depp nuk ka abuzuar asnjëherë me bashkëshorten e tij, akuzat ndaj tij ishin false dhe pa baza”, thuhet në raportin e publikuar nga mediat amerikane.
Johnny Depp dhe Amber Heard u divorcuan në janar të vitit 2017 vetëm pas 15 muajsh martesë.
Ambër e akuzoi aktorin për dhunë fizike dhe se ai e kishte goditur në fytyrë me një iPhone duke i shkaktuar të nxira në sy.
