Qyteti Mynster në Gjermaninë perëndimore u trondit ketë te shtunë nga një ngjarje e rëndë që dyshohet si sulm terrorist.
Një furgon është përplasur më një turmë njerëzish, duke lënë pas 4 viktima dhe më shumë se 30 të plagosur.
Autoritetet lokale bëjnë të ditur se 6 nga të lënduarit janë në gjendje kritike për jetën, ndërsa shoferi i mjetit ka vrarë veten.
Në vendngjarje kanë mbërritur forca të shumta policie dhe ekipe te sigurisë, ndërsa po zhvillohen hetime intensive, pasi dyshohet edhe prania e lëndëve eksplozive.
Policia ka shpallur ne kërkim dy persona që besohet se kanë lidhje me sulmin. Automjeti që përdori autori i krimit është një furgon shpërndarjeje pijesh te ndryshme, që mund te kalojë me leje te posaçme ne zona këmbësoresh.
Sulmi ka ndodhur ne pjesën e vjetër te qytetit turistik, e cila është tejet e populluar ne fundjave.
Kamionët që sulmojnë turma njerëzish njihen si një praktikë e terroristëve të ISIS pas disa rasteve qe kane ndodhur në SHBA, Britani apo edhe vende të tjera.
