Dyfishohen kontrollet në kufi, por temperatura matet edhe me termometër me zhivë/ VIDEO
Pas konstatimit të dy rasteve të para me koronavirus në Shqipëri, janë shtuar kontrollet në porte e pika kufitare.
Kontrollet të shumta janë zhvilluar në pikën kufitare të Murriqanit, nga e cila rezulton se kishte hyrë edhe 28-vjeçari i prekur nga virusi COVID-19, i cili sipas autoriteteve nuk ka pasur temperaturë gjatë momentit të kontrollit.
Nën masa të rrepta punohet edhe në pikën e Hanit të Hotit, ku çdo udhëtar i nënshtrohet matjes së temperaturës me termometër lazer.
Autoritetet në këtë pikë kufitare po punojnë me të njëjtin staf.
Edhe në portin e Durrësit janë përforcuar masat.
Mëngjesin e të hënës kanë mbërritur dy tragete nga Italia, ndërsa të gjithë pasagjerët iu nënshtruan kontrolleve.
Ne te gjitha pikat e kalimit kufitar kete te hene eshte vene re dyfishimi i masave, mirepo ka edhe raste si ne Hanin e Hotit ku ne mungese termometrave termik, punonjesit perdorin termometer me zhive ( tradicional).
Ndërkohë, në zonën e Kavalishencës ku janë vendosur mjediset e karantinës kanë nisur lëvizjet e personelit mjekësor pas shfaqjes së rasteve të para të të infektuareve.
