Sulmuesi argjentinas ka rrëfyer se Juventus ka refuzuar gjatë merkatos së verës një ofertë prej 90 milion eurosh të ofruara nga Barcelona.Lojtari shprehet se është I kënaqur që skuadra e tij e refuzoi ofertën,duke I dhënë mundësinë atij të luajë me disa lojtarë të klasit botëror. Sipas Dybala,çelësi I sukseseve të arritura me skuadrën,është mundësia e të pasurit afër lojtarë të mëdhenj si Buffon,Chielini apo Bonucci. “Kur erdha tek Juventus,Pirlo do të largohej,prandaj zgjodha të mbaja numrin e tij,numrin 21. Mund të kisha fare mirë numrin 9,por I përkiste Moratës sezonin e kaluar. Numri 21 më solli fat sezonin e kaluar,prandaj edhe zgjodha të vazhdoj ta mbaj.Jam I lumtur që luaj përkrah Gonzalo Higuain. “Juventus refuzoi një ofertë për të më mbajtur mua dhe për këtë duhet ta falenderoj sepse kjo do të thotë se ata kanë besim tek unë.Është e vështirë të refuzosh këto lloj ofertash nga klubet më të mira në botë dhe nëse duhet që të largohem,do të jetë për të mirën e skuadrës.“Ne duam të fitojmë Champions League,pse jo?Të fitoja Kupën e Botës me Argjentinën do të ishte akomë më mirë,do të çmendesha nëse do ndodhte.” Dybala ka shënuar 23 gola gjatë sezonit të tij të parë me Juventus.Deri tani ka shënuar 4 gola në të gjitha kompeticionet pjesëmarrëse. Juventus synon të fitojë Serie A për të gjashtën herë rradhazi.
Dybala: Juventus refuzoi 90 milion euro nga Barcelona
