Dy efektiv të policisë së Beratit, dyshohet të jenë të implikuar në fshehjen e sasisë më të madhe të drogës prej 1 tonësh të kapur një ditë më parë në qytetin e Skraparit.
Kjo është magazina, e modifikuar si laborator që prej kohësh përdorej nga trafikantet, si bazë për tharjen e paketimin e lëndës narkotike, në fshatin Lapan të Beratit.
Lënda narkotike u gjet pas një hetimi disamujor nga Prokuroria për Krimet e Rënda, në bashkëpunim me sektorin e antidrogës në Berat, pas një informacioni të siguruar se në një magazinë të braktisur, në fshatin Lapan, fshihej ngarkesa e madhe e hashashit.
Në momentin e zbulimit të lëndës narkotike, mësohet se magazina ka qenë e braktisur, çka ka vështirësuar hetimet për identifikimin e personave që janë përfshirë në rrjetin e trafikut.
Dyshohet se droga mbahej e magazinuar me qëllim trafikimin e saj jashtë kufirit të Shqipërisë. Gjithashtu, po hetohet edhe për personat përgjegjës që janë marrë me tharjen dhe paketimin e lëndës narkotike.
Burime pranë Prokurorisë se Krimeve te Renda thane se është shmangur policia lokale në hetim, për shkak të rrezikut te dekonspirimit të operacionit. Gjithashtu, bëhet e ditur se janë firmosur 6 urdhërarreste.
