Mediat ruse shkruajnë se 58-vjeçarja Nataliia Burenkova, një nga katër rusët që u gjetën të pajetë në një sauna mbrëmjen e djeshme në Qerret të Kavajës, vuante nga një sëmundje e rëndë. E për pasojë, asaj i ishte ndaluar të hynte në sauna.

Të afërmit e viktimave thanë se anëtarët e familjes nuk ishin përdorues të alkoolit a lëndëve narkotike.

Po ashtu, mediat kanë publikuar edhe fotot e dy grave që humbën jetën, duke i identifikuar si Nataliia dhe Ekaterina Burenkova, nënë e bijë.

Trupat e katër turistëve ruse u gjetën nga recepsionisti i hotelit, i cili zbardhi disa detaje para grupit hetimor. Viktima mbetën çifti i bashkëshortëve Sergei Burenkov, 60 vjeç, Natalia Burenkova, 58 vjeçe, vajza e tyre Ekaterina Burenkova, 31 vjeçe si edhe partneri i saj Nikita Belousov, 37 vjeç.

Paralelisht po zhvillohet edhe ekspertiza në ambientet e saunës, për të zbuluar nëse kishte ndonjë element kimik që mund të ketë shkaktuar tragjedinë.

Leave a Reply

Your email address will not be published. Required fields are marked *