Dy ditë “zi” për vendimin e DASH/ Berisha iu rikthehet denoncimeve digjitale

Pasi u shpall “non grata” nga Departamenti Amerikan i Shtetit, për dy ditë ish-kryeministri Sali Berisha nuk ishte aktiv në rrjetet sociale.

Por ai u rikthye këtë të premte, duke vijuar me denoncimet që i vijnë nga “Qytetari digjital”.

Këtë herë, Berisha publikoi mesazhin e një qytetari që thotë se në Laç, patronazhistët e Partisë Socaliste ndërtojnë pa leje.

“Patronazhistët që terrorizuan qytetarët me të dhënat personale që u dha Edvin Kristaq Xhelati i votës së lirë, shpërblehen me ndërtime në mes të qytetit! Sb”, shkruan Berisha në postimin e publikuar në “Facebook.”