Dy brazilianë prezantohen tek Vllaznia

Vllaznia është perforcuar edhe me dy lojtarë të tjerë. Këtë të mërkurë kanë firmosur kontratat dhe janë prezantuar edhe dy blerjet e rradhës.

Bëhet fjalë për futbollistët brazilianë Hygor Guimaraes Goncalves dhe Wenderson Da Silva Soares.

I pari është 30 vjeç dhe ka një karrierë të gjatë teksa në sezonin e fundit ka qenë pjesë e një skuadre në Liban.

Ai luan në pozicionin e mesfushorit të qendrës.

Ndërkohë Wenderson luan si sulmues dhe kryesisht ka luajtur në vendin e tij. Kontratat e këtyre futbollistëve janë deri në fundin e këtij sezoni, me të drejtë rinovimi edhe për një tjetër.

Të dy lojtarët janë vënë në dispozicion të stafit teknik duke zhvilluar seancën e parë stërvitore.