Pas thuajse një viti qëndrimi ne hapësire, astronautët amerikan e rus, Scott Kelly dhe Mikhail Kornienko zbriten ne toke. NASA njoftoi se ata u ulën pa probleme në Kazakistan. Misioni i tyre ne bordin e Stacionit Hapësinor Ndërkombëtar zgjati 340 dite, sa dyfishi i qëndrimit normal ne hapësire. Misioni i astronautëve ishte pjesë e përpjekjes për të studiuar efektet që mund të sjellë në trupin e njeriut qëndrimi për një kohë të gjatë në hapësirë, ndërsa do te behet krahasimi mes astronautit amerikan Kelly dhe binjakut të tij identik. Përpara se të zbriste në tokë, Kelly tha se ndihej shumë mirë fizikisht, por se izolimi nga njerëzit e rëndësishëm ishte pjesa më e vështirë, pasi humbet nje lloj lidhjeje. Nga Kazakistani, Kelly do te udhëtoje në Huston, ku studiuesit e NASA-s do të nisin nje seri kontrollesh shkencore. Vëllai binjak i tij, edhe ai dikur një astronaut, gjatë kësaj periudhe ka kryer disa kontrolle. Krahasimet mes binjakëve do t’i lejojnë shkencëtarët te kuptojnë ndryshimet fizike dhe psikologjike që ndodhin gjatë qëndrimit të gjatë në orbitë, ne mënyre qe nje dite te dërgojnë njerëz ne Mars. Pavarësisht kohës se qëndrimit te tyre ne hapësire Kelly dhe Kornienko janë larg rekordit qe mbahet nga rusi Valery Polyakov, qe kaloi 437 dite ne bordin e stacionit hapësinor Mir ne mesin e viteve ’90.
