Dy aksidente u regjistruan paraditen e kësaj të hënë në Kukës si pasojë e motit te keq.
Aksidentet ndodhën rreth orës 11 dhe për fat të mirë nuk ka pasur viktima në njerëz.
Përplasja e parë u regjistrua në afërsi të urës të Kukësit, ndërsa e dyta në Rrugën e Kombit, në segmentin Kukës- Tuneli i Kalimashit në zonën e quajtur Kolsh. Sipas policisë shkak për aksidentet janë lageshtira në rrugë dhe shpejtësia.
Paraditen e sotme qyteti verior u përfshi nga reshjet e dendura të shiut.
Ndërkohë që policia rrugore bën apel për kujdes, jo vetëm për shkak të lagështisë por edhe rreziqeve nga rrëshqitja e dherave dhe gurëve.
