Presidenti i Filipineve behet serish protagonist me deklaratat e tij. Ketë here Rodrigo Duterte është shprehur se i ka premtuar Zotit se do te pastroje fjalorin nga fjalët banale. Pasi u kthye ne qytetin e tij te lindjes Davao, pas nje vizite ne Japoni, Duterte deklaroi se Zoti i kishte dhëne nje ultimatum ne avion. “Dëgjova nje ze qe me thoshte: Mjaft me te shara, ose ne te kundërt avioni do te rrezohet, kështu qe une i premtova se do te ndalem.” Mënyra e te folurit hapur e Dutertes, shpesh duke shenjestruar udhëheqësit perëndimore, i ka shtuar atij popullaritet ne Filipine. Ai e ka quajtur presidenti Barak Obama nje “bir bushtre”, e cilësoi Bashkimin Europian hipokrit, ndërsa kërcënoi se do te largohej nga OKB-ja apo pranoi me kënaqësi krahasimin qe i ishte bere me Hitlerin, duke thëne se do te vriste me kënaqësi 3 milionë drogaxhinj. Ai ka deklaruar gjithashtu se Filipinet kërkonin divorcin pas nje aleance te gjate me amerikanet, duke u bere thirrje trupave amerikane te largohen nga vendi i tij brenda dy vjetësh.
