550 mijë paketa cigaresh me një vlerë prej 154 milionë lekë janë sekuestruar mbrëmjen e së martës nga policia e Durrësit. Operacioni i koduar “Eklips” i organizuar nga Departamenti Operativ Hetimor i Doganave, ka vënë në pranga tre persona: Irfan Ameti, 46 vjeç nga Maqedonia, Gjuljen Sami, 52 vjeç nga Turqia dhe Ilir Dengu, 53 vjeç nga Tirana. Hetimet për ta nisën pas informacioneve nga shërbimet homologe të huaja. Gjatë kontrollit të ushtruar në kamionin që drejtonte shtetasi shqiptar, u gjet dhe sekuestrua sasia e madhe e cigareve. Ajo ishte ngarkuar në Malin e Zi dhe nuk kishte dokumentacion të rregullt dhe destinacion të përcaktuar.
