Policia e Durrësit ka arrestuar një 29-vjeçar, i cili akuzohet se vidhte me dhunë nëpërmjet kanosjes me thikë, këmbësorët që kalonin për në zonën e plazhit.
Në pranga përfundoi shtetasi me iniciale E.H., me precedent penal të mëparshëm në fushën e vjedhjes.
Në kuadër të fnalizimit të operacionit të koduar “Përsëritësi”, zbardhen dhe dokumentohen 4 vjedhje me dhunë, të ndodhura muajt e fundit.
– Më datë 10.05.2020, në lagjen nr. 14, te Ura e Dajlanit, i ka vjedhur me dhunë, 30.000 lekë, shtetasit R. Xh., 62 vjeç, banues në Arapaj, Durrës.
– Më datë 26.05.2020, në lagjen nr. 4, Durrës, dyshohet se i ka vjedhur shtetasit E. I., një aparat celular dhe shumën prej 6000 lekësh.
– Më datë 28.04.2020, në lagjen nr. 17/1, Durrës, dyshohet se i ka vjedhur shtetasit A. M., një aparat celular.
– Më datë 07.05.2020, në lagjen nr. 14, Durrës, dyshohet se nën kërcënimin e thikës, i ka vjedhur shtetasit G .S., shumën prej 22.000 lekësh.
