Shpërthimi i një bombole gazi mëngjesin e sotëm ka krijuar panik tek banorët e lagjes 5 të qytetit bregdetar të Durrësit. Fatmirësisht si pasojë e shpërthimit u regjistruan vetëm pak dëme materiale, ndërsa policia dhe mjetet zjarrfikëse mbërritën menjëherë në vendin e ngjarjes. Mësohet se bombola 5-litërshe, ndodhej në ballkonin e një pallati të qytetit bregdetar. Kjo ngjarje shkaktoi panik tek banorët e pallatit, ndërsa policia mbërriti menjëherë ne vendin ku u lokalizua shpërthimi. Fillimisht, policia mendoi se kishte të bënte me vendosjen e ndonjë lënde plasëse, por pas verifikimeve u konstatua se kishin të bënin me shpërthimin e një bombole gazi.
Durrës, shpërthen bombola e gazit në një apartament
