Subscribe

Nuk do të ketë më lëmoshë elektorale për bujqësinë. këtë ka premtuar kryeministri rama në manës të durrësit, ku në një bashkëbisedim me fermerët dhe banorët e kësaj zone ka prezantuar edhe një model fitimprurës për të gjithë.

Jeni mësuar që dy dynym ti e dy dynym tjetri, nuk bashkoheni për të mbjellur një produkt që është i favorshëm për zonën, por ju mbillni te 2 dynym qepë, ndërsa ai ngjitur 2 dynym bamje. Pastaj shkoni e dilni te rruga të prisni ndonjë makinë që të vijë të marrë produktin. Nuk është shpikje kjo që po sugjeroj unë. Po e bëjnë shqiptarët, që bashkojnë tokat dhe ndajnë sërish fitimet. Fermerët të bashkuar dhe jo prehe e grosisteve. Së bashku fermerët mund të krijojnë një pike grumbullimi dhe për të aplikuar dhe më pas për t’a menaxhuar sërish së bashku”.

Gjatë bisedës me kreun e qeverisë, banorët e Mansës nuk nguruan t’i tregojnë edhe problemet e tjera.

I moshuari: Të gjithë ne këtu vuajmë për një ambulancë. Këtë kam vite që e kërkoj, nga të gjitha qeveritë.

Rama: Brenda pranverës se ardhshme ju nuk do te jeni ne këtë gjendje, autoambulanca do te këtë ngado dhe jo vetëm te parkuar ne spitale. Shërbimi Kombëtar i Urgjencës do te jete i unifikuar. Dhe ju do të keni shërbimin që në momentin e lajmërimit që keni nevojë për te, jap fjalën se mbas pranverës se ardhshme nuk do ta diskutojmë me këtë problem.

Qytetari: Ministri i bujqësisë, që Petriti a Panariti ku e di unë si e ka, vetëm me serrat merret. Ujin e kemi, po ka 1000 gjera bujqësia. Farën, Vendin, Procesin…  ujin na e solle, po ne s’kemi farën…

Rama: Sa fëmijë ke?

Qytetari : Dy fëmijë.

Rama: I bëre me radhë apo menjëherë, e pra me radhë të gjitha. Izraeli nuk ka ujë, se nuk ua ka dhënë perëndia e natyra dhe çdo pikë uji e vlerëson se e merr nga deti. Ndërkohë ne e kemi, ne përmbytemi ngaqë s’kemi kanale ta ujisim.

Por gjate bashkëbisedimit pati dhe nje rast ku nje qytetar ka ndërprere fjalen e Rames. Kryeministri premtoi se do te zgjidhe përfundimisht dhe dhënien e certifikatave te pronësisë per tokat e ndara sipas ligjit 7501.

 

Leave a Reply

Your email address will not be published.