Durrës, digjet makina e biznesmenit

Digjet makina e biznesmenit Spairo Paço në Durrës. Ngjarja ka ndodhur në lagjen numër 1 të qytetit, ndërkohë që automjeti tip “Benz S Class” ka qenë i parkuar pranë banesës së tij.

Paço është edhe bashkëshorti i drejtoreshës së Drejtorisë Rajonale të Sigurimit Shëndetësor të Durrësit, Natasha Paço. Nga hetimet e para dyshohet se zjarri ka qenë i qëllimshëm. Zjarrfikëses iu desh pak punë për të shuar zjarrin, për shkak të vështirësisë për të hyrë në zonë, por që fatmirësisht nuk pati pasoja.