Gjykata e Durrësit ka dënuar me 4 vjet burg ish-kryeinspektorin rajonal të mjedisit ne Durrës, Genci Balla, pasi akuzohet nga Prokuroria për “korrupsion pasiv”. Procesi ndaj Ballës dhe bashkëpunëtorëve të tij nisi në vitin 2014, kur ata gjobitën me 100 mijë lekës një shtetas kinez, i cili kishte aktivitet në Durrës. Me burg janë dënuar edhe Eduart Bejko dhe Doriana Nikolla. Gjyqi ndaj tyre u zhvillua me procedurë të shkurtuar. Ne fillim Gjykata i shpalli të pafajshëm të pandehurit, por Prokuroria e ankimoi vendimin dhe Gjykata e Apelit e ktheu për rishqyrtim çështjen në shkallë të parë, me një tjetër trup gjykues.
