Shpëtim Duro deklaroi se në Shqipëri ka pasur raste kur presidentët e klubeve të futbollit kanë dhunuar tranjerët.
I ftuar në emisionin “Kampionët” në Vizion Plus, Duro mgriti shqetësimin para moderatorit Andi Nuraj se vetë presidentët e ekipeve të futbollit janë përgjegjës për situatat e tensionuara në stadiume.
Ish-tekniku i Shkëndijës së Tetovës, duke bërë një parantezë me kampionatin Maqedonas deklaroi se presidentët e superligës flasin më shumë se ç’duhet dhe kanë sjellje të pahijshme.
“Mendoj në Shqipëri problem për disa situata të tensionuara janë presidentët. Ka shumë presidentët që flasin më shumë se ç’duhet dhe kanë sjellje të pahijshme. Ju jap shembullin e Maqedonisë, atje si njeh askush presidentët. Nazim Destani (presidenti i Shkëndijës) është zotni burrë, vetëm tre herë në vit vjen në Tetovë për të parë ndeshjen. Në Shqipëri ka pasur raste që presidenti ka rrahur trajnerin. Nuk dua të përmend emra pasi i dimë të gjithë. Sigurisht, jo të gjithë. Çdo president ka stilin e tij, Edmond Hasanbelliu ka 20 vite dhe s’ia dëgjon njëherë zërin, e njëjta gjë dhe me presidentin e Partizanit”.
