Vangjel Dule ka reaguar lidhur me incidentin me armë që u regjistrua sot në një zyrë elektorale në Kavajë, ku i plagosur mbeti sekretari i PD-së, për këtë qytet.
I ftuar në ‘Zgjedhje 2021’, kryetari i PBDNJ-së, tashmë kandidat për deputet në qarkun e Tiranës, u shpreh se ky sulm, sipas tij, ishte i menduar.
“Më lejoni të bëj një krahasim, i cili nuk mund të jetë ideal. Një familje sulmohet në ambientin e saj. Sa janë shanset që kjo të jetë një rastësi dhe sa janë shanset që ky të jetë një sulm i menduar? E dyta, ka më shumë shanse. Dhe e para që do bëjë i zoti i shtëpisë, është të mbrojë familjarët e vet nga ky sulm. T’u sugjerojë atyre, vetëpërmbajtje dhe pastaj të kërkojë dhe zbardhje. Z.Lulzim Basha karakterizohet në qëndrimin e vet.”
