Kreu i Partisë Agrare Ambientaliste, Agron Duka, i ftuar këtë të martë në Quo Vadis, të moderatores Pranvera Borakaj, ka komentuar sjelljen e kryeministrit Edi Rama në raport me ndërkombëtarët.
Ai tha se deklaratat e tij kontraverse nuk i shërbejnë as atij vetë dhe as Shqipërisë.
Sipas Dukës, në të ardhmen këto deklarata do të kenë pasoja.
Pjesë nga biseda:
Borakaj: E ka Shqipëria politikën e jashtme?
Duka: Sa kohë ka që këta janë në pushtet, politikën e ka bërë Edi Rama. Për më tepër, politikën e jashtme Rama është kujdesur ta ketë si benefit të vetin, apo si flamur të vetin. Nuk mund t’i vë faj Ministrisë së Jashtme. Pse disa herë ka bërë deklarata kontraverse? Mbase ka edhe sukses, është shumë i guximshëm. Nëse do të ketë sukses në të ardhmen, bën atë punë me leverdi për vendin e tij.
Borakaj: Po marrëdhënia me Trump nuk ka qenë përherë kaq e mirë?
Duka: Nuk besoj se luajtja e këtij roli nga Shqipëria mund t’i japë avantazh Shqipërisë apo Ramës; besoj se në të ardhmen do të ketë pasoja.
