Uefa Champions League vijon sonte në mbrëmje me 8 takimet e fundit të ndeshjeve të para në grupe.
Sonte është nata e duele spektakolare ku përplasen klube nga ato që kanë bërë historinë e Champions League. Reali rekordmen, luan në San Siro kundër Interit.
Një duel përsërit i edicionit të kaluar, ku “Los Blancos” fituan 2 me 0 në Milano.
Të dyja ekipet i kanë bërë një nisje të mirë kampionateve respektive.
Pavarësisht ngecjes së fundmi 2 me 2 me Sampdorian, zikaltrit kanë treguar një formë të mirë që është garanci për të luajtur si të barabartë me madrilenët.
Spanjollët e Ancelotit janë të frikshëm në fazën ofensive, por kanë një mbrojtje që fut ujë, që mund të shfrytëzohet nga Xheko, dhe Lautaro me shokë.
Dueli do transmetohet ekskluzivisht ne Tring sport 1/ HD ne oren 21:00.
