Drogë në stanin e bagëtive, kapen 207 kg kanabis

Një sasi prej 207 kg u sekuestrua nga policia e Tiranës në një stan për bagëtitë në afërsi të Krujës. Droga u gjet në disa thasë dhe fuçi plastike. Për sasinë e lëndës narkotike, policia arrestoi Mehmet Hoxhën, 67 vjeç, banues në Krujë. Burime pranë uniformave blu thanë se për rastin janë vënë në hetim edhe të afërmit e tij, pas dyshimeve se janë të përfshirë në kultivimin e narkotikëve. Prej disa kohësh, policia ka nisur një aksion antikanabis për parandalimin kultivimit te bimëve narkotike.