Drogë në burgun e Peqinit

Prokuroria e Elbasanit kërkoi dënimin me 77 vite burgim në total për 7 persona, pjesë e një grupi që me ndihmën e një gardiani shisnin drogë në burgun e sigurisë së lartë në Peqin. Sipas organit te akuzës, këta persona e siguronin drogën në qytetin e Elbasanit dhe nëpërmjet punonjësit të burgut Zenel Nezha, ia jepnin të burgosurit Dorjan Tatoshi, i cili më tej ua shiste të burgosurve të tjerë. Për gardianin Nezha, Prokuroria kërkon dënimin e tij me 15 vite, përfshirë këtu edhe akuzat e shpërdorimit të detyrës dhe armëmbajtjes pa leje.