Dritat e rrugës rrisin rrezikun e kancerit të gjirit

Gratë që jetojnë në qytete janë më të ekspozuara nga kanceri i gjirit, kanë paralajmëruar ekspertët.

Ata thonë që ekspozimi gjatë natës ndaj dritave të rrugës mund të rrisë me 10 përqind rrezikun për t’u prekur nga sëmundja.

Një hetim, i kryer nga ekspertë të Shkollës Mjekësore të Harvardit, zbuloi se drita artificiale mund të çrregullojë orën e brendshme të trupit, që mund të prishë proceset natyrore biologjike.

Sipas ekspertëve, drita nga llampat e rrugës bllokon gjithashtu një hormon mbrojtës ndaj tumoreve.

“Në shoqërinë tonë moderne, të industrializuar, ndriçimi artificial është gati i përhapur. Rezultatet tona sugjerojnë që kjo ekspozim e përhapur ndaj dritave të jashtme gjatë orëve të natës mund të përfaqësojë një faktor të ri rreziku për kancerin e gjirit”, tha profesori Peter James.

Studimi i Harvardit ndoqi pothuajse 110,000 njerëz në të gjithë SHBA për 15 vjet.

Kjo lidhje u gjet vetëm tek gratë para menopauzës që janë ose kanë qenë duhanpirëse.

Gjetjet e reja, të botuara në Gazetën Ndërkombëtare të Kancerit, janë rezultat i ndjekjes së 186.981 grave që kishin kaluar në menopauzë.