Ka ndërruar jetë këtë të mërkurë Hoxhë Faik Gurra, i cili prej shumë vitesh shërbeu në Xhaminë e Dragostunjës.
Ai ka qene pjese aktive e ringritjes se Komunitetit Mysliman te Shqiperise pas viteve 1990, duke marre pjese ne mbledhjen themeluese ne 14 shkurt 1991 ne Tirane ne krah te kryemyftiut H. Sabri Koçi.
Deputeti Taulant Balla i shprehu ngushëllimet familjes për humbjen e njeriut të tyre të dashur.
“’Çdo njeri do ta shijojë vdekjen! Ne ju vëmë në provën me të keqe dhe me të mirë dhe te Ne do të ktheheni’. Me këto fjalë të Kuranit të shenjtë, po ndaj me ju lajmin e ndarjes nga jeta të Hoxhë Faik Gurrës. Kam patur mundësinë të njihem nga afër, do ta kujtoj gjithmonë për peshën e rëndë të fjalëve, qetësinë, përkushtimin, kujdesin ndaj nevojtarëve, duke mos harruar kurrë tu mësojë besmitarëve vlerat më të larta të atdhedashurisë dhe kontributit pozitiv në shoqëri. Bashkë me Ambasadorin e SHBA në Shqipëri zotin Donald Lu në Janar të vitit 2016 u ulëm këmbëkryq rreth oxhakut në shtëpinë e Hoxhë Faikut, në një bashkëbisedim mbi vlerat dhe rolin e besimit islam në bashkëjetesën fetare, duke vlerësuar sëbashku kontributin e Hoxhë Gurrës në ringritjen e Xhamisë së Dragostunjës”, tha Balla.
Hoxhë Faik Gurra është babai i një prej drejtuesve të Komunitetit Mysliman Shqiptar, Ylli Gurra, i cili ndau me të pranishmit porositë e babait të tij, për të ruajtur vëllazërinë dhe bashkëpunimin ndërfetar mes shqiptarëve.
