Me pankarta në duar qindra njerëz marshuan në rrugët kryesorë të Prishtinës duke kërkuar drejtësi për gratë e dhunuara.
Protestuesit marshuan nga Ministria e Drejtësisë, për të vazhduar te Ministria e Punëve të Brendshme duke përfunduar para Kryeministrisë. Ata kërkuan nga qeveria që vrasjet e grave të trajtohen si urgjencë kombëtare.
Protestuesit me thirrjen “Kryeministër i ke duart me gjak”, hodhën bojë të kuqe drejt godinës së qeverise. Ata bënë thirrje që të shkarkohen të gjithë gjyqtarët, prokurorët dhe policët që nuk i trajtojnë rastet me seriozitet
I pranishëm në protestë ishte edhe vetë ministri i Punëve të Brendshme, Xhelal Sveçla, i cili tha se i ka marrë të gjitha masat e nevojshme në lidhje me rastin e vrasjes se 18-vjeçares.
XHELAL SVEÇLA
MINISTER I PUNEVE TE BREDSHME
“Inspektim urgjent të të gjithave veprimeve të Policisë së Kosovës, si dhe kam krijuar grupin punese për vrasjen e Marigona Osmanit.”
Protestat vijnë pas rastit e vrasjes se Marigona Osmani, e cila u la e dhunuar rëndë nga bashkëshorti i saj në dyert e urgjencës.