Gjykata e Lartë ka regjistruar dosjen në ngarkim të ish-ministrit të brendshëm Tahiri dhe ish-drejtuesit të policisë së Vlorës, Jaeld Çela.
Tahiri ka kundërshtuar vendimin e Apelit të Posaçëm, që e ktheu çështjen për rigjykim në shkallën e parë.
Ish-ministri i Brendshëm dhe Jaeld Çela i kërkojnë gjykatës së lartë të pushojë çështjen ndaj tyre. Relatori i dosjes është gjyqtari Ilir Panda.
Rekursi do të shqyrtohet në dhomë këshillimi: në rast se pranohet, çështja do të kalojë ne seancë gjyqësore. Por në të gjitha rastet vendimi do të vonohet pasi gjykata e lartë është ende në kolaps.
Tahiri u dënua me 5 vjet burg për shpërdorim detyre, por që u konvertua në shërbim prove.
