Gjykata e Posaçme Kundër Korrupsionit dhe Krimit të Organizuar ka zbutur masën e sigurisë për Ermal Kurtulajn, duke e liruar nga paraburgimi dhe duke e vendosur në arrest shtëpie, mëson gazetarja e Vizion Plus Blerina Cene.
GJKKO i ka lënë një afat prej 30 ditësh prokurores Elida Kaçkini për të kryer hetimet shtesë, duke përcaktuar edhe detyrat konkrete që duhet të përmbushen gjatë kësaj periudhe.
Ermal Kurtulaj është nën hetim për disa vepra penale, përfshirë korrupsion pasiv, shkelje të barazisë në tendera, falsifikim dokumentesh, mashtrim me pasoja të rënda dhe mashtrim në bashkëpunim.
