“Dosja 339”, prokurorët mohojnë akuzat e PD për përfshirjen e Donika Prelës

Pas deklaratës së bërë nga deputeti i PD, Enkelejd Alibeaj, i cili i kërkoi Komisionit të Pavarur të Kualifikimit që të bëjë verifikimet nëse drejtuesja e Krimeve të Rënda është e përfshirë në dosjen 339 apo jo, ka ardhur reagimi i prokurorëve të çështjes.

Në një deklaratë të shkurtër për mediat, prokurorët e çështjes Vladimir Mara dhe Dritan Prençi kanë theksuar se deklarata e PD ësthë e pavërtetë dhe se Prela nuk është e përfshirë në dosjen e hetimeve.