Dorëzon mandatin deputeti i Partisë Socialiste Ervin Koçi. Përmes një statusi në facebook, Ervin Koçi thotë se ka ndërprerë detyrën e tij duke i paraqitur kryetari të kuvendit Ilir Meta dhe grupit parlamentar të PS dorëheqjen. Koçi bën me dije se tërhiqet nga të gjitha angazhimet politike dhe do të aspirojë për të marrë përgjegjësi publike si një mundësi e re për të dhënë kontribut të mëtejshëm, si dhe për të vazhduar zhvillimin profesional. Koçi nuk bën me dije shkakun, por ish-deputeti i PS do të angazhohet në drejtimin e një institucioni të pavarur.
