Dorëzohen emrat për “KED” në Presidencë
Këshilli i Emërimeve ne Drejtësi, organi kyç ne ngritjen dhe funksionimin e sistemit gjyqësor, prej kohesh ka qene ne ngërç, pasi pjesa me e madhe e anëtareve te saj, nuk arritën ta kalonin vettingun. Por pritet qe kjo situate te zgjidhet ne javën e pare te muajit dhjetor, kur është dhe afati ligjor për hedhjen e shortit.
Ne Presidence janë depozituar tashme listat me kandidatet, te cilët kane aplikuar për t’ju nënshtruar shortit. Ne te janë dy anëtarët e mbetur te Gjykatës Kushtetuese, Bashkim Dedja dhe Vitore Tusha, kjo e fundit ne fakt është dhe kandidate për kryetare te KLSH.
Edmond Islamaj, Ardian Dvorani dhe Medi Bici janë kandidatet nga Gjykata e Larte, ndërsa Arta Marku kryeson liste ne kandidateve te paraqitur nga organi i akuzës.
Por ajo qe bie ne sy nga lista e paraqitur nga Prokuroria, është fakti se vetëm 2 i plotësojnë te gjitha kriteret për te qene ne KED, Fatjona Memcaj dhe Arta Marku.
Ndërsa deri me tani Këshilli i Larte i Drejtësisë nuk ka depozituar asnjë kandidature për ne KED.
Referuar ligjit, i takon kreut te shtetit te hedh shorit brenda periudhës 1 – 5 dhjetor. Por duket se Presidenti nuk do ta ushtroje këtë kompetence, njësoj si një vit me pare, duke ja kaluar Kryetarit te Kuvendit, ashtu siç përcaktohet ne Ligj.
