Këshilltari kryesor i Donald Trump për ekonominë, Gary Cohn, i bashkëngjitet emrave që braktisin kreun e Shtëpisë së Bardhë.
Mediat amerikane shkruajnë se plani i Trump për rritjen e tarifave të importit të çelikut dhe aluminit, ishte shkaku i një konflikti mes tyre, çka detyroi Cohn të japë dorëheqjen.
Trump, në një deklaratë për mediat ka falenderuar këshilltarin për shërbimin e tij dedikuar Shteteve te Bashkuara.
Gary ka qenë këshilltari im kryesor ekonomik dhe ka bërë një punë të mrekullueshme, tha shefi i Shtëpisë se Bardhe, ndërsa Cohn u shpreh se ishte nder për të që i shërbeu vendit dhe falënderoi Doanld Trump për mundësinë.
Gary Cohn ish-president i bankës Goldman Sachs, është i fundit pjesëtar i profilit të lartë të skuadrës Trump, që jep dorëheqjen, pas një serie largimesh të këshilltarëve të tjerë.