Kryeministrja e Britanisë, Theresa May, mbron planin e saj për Brexit, edhe pse ai nxiti dorëheqjen e dy ministrave të kabinetit.
Sipas May plani është e vetmja mënyrë për të shmangur një “kufi të rreptë” me Irlandën dhe për të ruajtur lidhjet me Brukselin.
Ndërkohë kryeministra britanike deklaroi se programi i saj, do të lejojë lëvizjen e lirë të mallrave, por jo të shërbimeve, është “Brexit-i i duhur”, sepse mundëson shmangien e kontrolleve në kufirin midis Irlandës pjesë e Bashkimit Evropian dhe Irlandës Veriore pjesë e Mbretërisë së Bashkuar.
Ndërsa ministrat e dorëhequr, David Davis, dhe sekretari i jashtëm britanik, Boris Johnson, nuk besonin në këtë plan.
Nivelet e integrimit të Britanisë me tregun e përbashkët të BE-së, pas Brexit-it, dhe natyra e kufirit midis Irlandës së Veriut dhe Irlandës kanë qenë ndër çështjet më të vështira në negociatat e deritashme për Brexit.
